"Kinabuhi"

“Kinabuhi”

Maayong buntag ninyong tanan mga kaigsuonan

Hansel diay akong pangan

Sigurado ko inyo na nang nadunggan

Pero dili ko katung biskwit sa Rebisco

Na inyo rang pangitaon kung mag snaks mo

Ako ang klase sa tawo na simple pero maayo mudiskarte

Maldito daw ko ug nawng, pero sa tinuod buotan ug masaligan

Labaw na kung imong higugmaon, dili jud ka pa tuyok-tuyokun

Dili nako musaad ug daghan kay basin di na katuohan

Karung adlawa, akong i-ambit akong kasinatian

Magsugod ko katung bata pa ko

Ana akong mga ginikanan

Wala daw kunoy makalupig sa nindot na batasan

Mao gyud ang di nako kalimtan

Nindot na batasan, nindot na batasan, nindot na batasan

Sa bisan unsang sitwasyon ni dapat ituman

Dili sad ko ganahan masuko

Kay walay maayong mahitabo

Nidagan ang segundo, minuto, oras, adlaw, semana, buwan ug tuig

Matug, mulihok, mukaon ug muinom ug tubig

Nilabay ang panahon

Balik balik nga rutina na adunay mga resulta

Resulta na niporma sa akong kinaiya

Dakong parte sa akong kinabuhi ang pageskwela

Mga lahi lahing naagian kuyog mga amigo ug amiga

Usahay mag binuang pa sa usat usa

Pero muabot sad ang panahon nga kailangan seryoso

Panahon na kailangan ug sakripisyo

Tanang singot ug dugo, makumpleto lang ang trabaho

Bisan usahay magkalisud, di ghapon magpa apekto

Ang kalamposan ang pinakataas nako na tuyo

Para sa kaugalingon ug sa pamilya na nag giya nako